|
Ompango Yominkulofuta yaNamibia |
 Omukalgwalongithwa
Epangelo lyaNamibia nali pandulwe momukalo gwalandulwa okweetapo ombapila yongushu ha yi ithanwa ombapila onzinzi ndjoka tayi kalongithwa onge ekota lyoompango yominkulofuta. Ompango oya etwa po yalandula omayele okuza moshigwana. Omathimbo gayi moka aantu yakala nokwiiteela kutya uushitwe otauvulu okutopolwa miitopolwa yayooloka niitoplwa yayela mbyoka tayi vulu okutonatelwa kongundu yaanongo yopaunongononi. Nonando aanongononi yena oshinakugwanithwa oshidhigu okufatulula, uushintwe gwokominkulofuta owa pumbwa oshindji. Elikolyopankalathano nepangelo lyoonzo dhokefuta olya pumbwa euvoko lyuushitwe uuna tashiya ketonatelo lyominkulofuta. Aantu oyena oonkondo mokupangela nkene oonzo dhefuta dhina okulongithwa omolwiilonga yawo mbyoka tayi pangele opo kukalekwepo onkalo yuundjolowele komikulofuta monakwiiwa.
Aantu otaa vulu okumona omauwanawa uuna ominkulofuta tadhi longithwa pankalo yuundjolowele. Omolwashoka onkalo yokukwatelamo omahangano gii li no giili oya landulwa okukwatelamo omayiuvo, oompumbwe, omadhilaadhilo nankene yahala ompango yominkulofuta monkalamwenyo yi kwatelemo. Kashishi oshikumithi, ompango yaNamibia yiikwamunkulofuta oyo yimwe oshihoolelwa shoomopango dhaNamibia moka omadhilaadhilo nomayiyuvo gaakwashigwana ya tula omake kumwe okukondjitha onkalo odhigu yokukalekapo omahala gokominkulofuta. Omolwookundathana pokati kepangelo naakwashigwana ompango ndjika oya totwapo.
Omadhewo giilalakanenwa moontundilongo dhopambila onzinzi.jpg)
Aakwashigwana yaNamibia oya pewa ompito ombwaanawa okugandja omayele gawo. mombapila ndjika onzinzi mokupitila moontundi yiigongi omapekapeko guuyelele, iifonkundana, omapulo noshotuu. Omuthido ogwali gwatulwa meitulomo nomomayele okuziilila maakwashigwana.
Oyindji yomiiyetwapo oya zilile moontundi yiigongi mwakwatelwa elongitho lyeliko, onghalathano yopaliko, omahumokomeho, ekalekopo lyuushitwe, elongo negandjo lyuuyelele moshigwana, oomina, elikolo lyevu, omatalelopo, oompumbwe dhopankalathano ngaashi iipangelo, omeya, oopate, oosikola omalusheno, elongitho neitulomo lyaakwashigwana mehumokomeho, iinakugwanithwa yopankalathano, ehumokomeho maanyasha, uundjolowele momudhingoloko, ekalekopo lyoonzo dhomeya, oonkondo dhopaushitwe, omuthigululwakalo, nkene omunkulofuta tagu vulu okupangelwa oyo yimwe ompango yatala ya simana okukwatelamo.
Eetopo lyOshilalakanenwa Shopashigwana
Moontundi iilonga adhihe aakuthimbinga oya ulike uupyakadhi wakundukidha ominkulofuta. Aakuthimbinga oya pulwa okupopya omayiyuvo gawo kutya oya hala okumona ominkulofuta dhaNamibia dhili monkalo yini noonzo dhinipo. Oonkundathana odhakambadhala okuhanga etsokumwe nkene Namibia a hala okumona ominkulofuta dhawo dhi ili moonakwiiwa nomolonkalo paufupi. Omukalo gwa totwapo otagu kondjitha gukale guna eitulomo nomadhilaadhilo gaza maakwashigwana.
Oshilalakanenwa shopashigwana shominkulofuta dhaNambia otashi leshwa ngaashi tashi landula
Tse AaNamibia otwa hala okumona onkalo yokominkulofuta yi longithwe nuukeka opo onghalamwenyo, omudhingoloko, omuthigululwakalo nonkalo yopaliko yi kale yatsaathana nelalakano nonkalathano yehumokomeho mwakwatelwa uushitwe noonzo dhopantu, pankalo yi ili noyi ili pauyuuki notayi gandja oompito kwaayehe nena nomonkalamwenyo ayihe.
Ombapila oya yelitha wo nkene tayi ka kwatelamo omakumagitho okuza moshigwana. Aakuthimbinga oya indile yikale noyitulwe miitya nomelaka lyuuvitikwe.
 Elandulathano sigo okehulilo
Onkatu yalandulako otayi kakutha uuyelele mekuthombinga okuzilila maakwashigwana. Pethimbo ndika otayika totapo ombapila ontokele yaNamibia melongitho lyominkulofuta. Ombapila ontokele oyili ekota lyekotampango lyaNamibia lyominkulofuta. Pethimbo ndika etonatelo lyominkulofuta dhaNamibia otayi ka kundathanwa wo, nayimwe mbyoka yasimana nkene omunkulofuta guna okulongithwa kutya ononkalo yini, kulye, nonkene aakwashigwana taa vulu okumona omauwanawa kominkulofuta.
Ombapila onzinzi otayi popi iinima yapamba noyakundukidha ominkulofuta dhaNamibia, omadhiladhilo gomahangano gopashigwana, iilalakanenwa ,omauvaneko naayihe kombinga yominkulofuta. Iilalakanenwa mbika, omauvaneko, otayi kakundathanwa nepangelo naanuunongo mpaka naampeyaka. Opo ihe ompango yaNamibia nomalandulathano yi katulwe miilonga. Okutya mbika oyina okulongwamo opo ompango yitulwe miilonga. Opena ihe okutotwa okangundu ketulo miilonga ompamgo kena oshinakugwanithwa shoku talulula oshili nuuyuuki metonatelo lyominkulofuta dhaNamibia lyiikalekwepo monkalamwenyo.
|
