“CASPECO” Layihəsi

Qısa şəkildə “CASPECO” adlanan “Xəzər Dənizi: Tükənməkdə olan balıq ehtiyatlarının bərpası və daimi regional ekoloji idarəetmə çərçivəsinin birləşdirilməsi” layihəsi Qlobal Ekoloji Fond tərəfindən maliyyələşdirilən, BMTİP tərəfindən həyata keçirilən və Birləşmiş Millətlər Təşkilatının Layihə Xidmətləri İdarəsi (BMTLXİ) tərəfindən icra olunan regional layihədir. “CASPECO” layihəsinin məqsədi Tehran Konvensiyası üzrə həyata keçirilən prosesə dəstək verməklə regional ekoloji idarəetməni gücləndirmək və Xəzərin bioloji ehtiyatlarının davamlı idarəolunmasına və qorunub saxlanılmasına yeni yanaşma tətbiq etməklə bioloji ehtiyatların azalmağa doğru tendensiyasını dayandırmaqdır. “CASPECO” layihəsi 2009-cu ilin aprelindən həyata keçirilməkdədir və 30 aydan çox müddət ərzində davam edəcək.